КОНКУРС: Набліжаюцца навагоднія святы, самыя доўгачаканыя для нашых дзяцей.
Каб гэтыя дні прайшлі ў атмасферы радасці і весялосці і не былі азмрочаны няшчаснымі выпадкамі, кожны павінен ведаць правілы пажарнай бяспекі і прытрымлівацца іх. З мэтай навучання і замацавання правілаў Верхнядзвінскі аддзел па надзвычайных сітуацыях і Цэнтр пазашкольнай работы праводзяць раённы конкурс на лепшую памятку па правілах пажарнай бяспекі. Самыя маляўнічыя, цікавыя і інфармацыйна насычаныя з іх будуць размешчаны ў школах як напамін аб тым, што з агнём лепш не жартаваць. Памяткі-пераможцы раённага конкурсу будуць адпраўлены на абласны этап спаборніцтваў.
