Прызванне — гэта лёс

Больш 30 гадоў свайго жыцця аддала Таццяна Аляксандраўна Дзмітрыева прафесіі бібліятэкара. Гэта — выдатны спецыяліст, цудоўная жанчына, пяшчотная маці. 
Нарадзілася яна ў г. Дно Пскоўскай вобласці ў простай сям’і. 3 дзяцінства любіла чытаць кніжкі. Пасля заканчэння школы паступіла ў Пскоўскае культасветвучылішча. Атрымала дыплом бібліятэкара. Працавала ў Дноўскай раённай бібліятэцы. У 1981 годзе па волі лёсу апынулася ў Беларусі. Загадвала Відоцкай бібліятэкай. 3 2000 года ўзначальвае Асвейскую пасялковую бібліятэку. Працаваць даводзілася ў розных умовах. Цяпер бібліятэка адрамантавана, стала сапраўдным сучасным культурным цэнтрам. У памяшканні светла, утульна, цёпла, мноства кветак. Для тых, хто хоча пачытаць, пазаймацца на месцы, ёсць чытальная зала, з густам аформленыя маляўнічыя кніжныя выставы. Прывабнасць, своеасаблівасць усяму акружаючаму надаюць гаспадыні бібліятэкі Таццяна Аляксандраўна i Тамара Мікалаеўна Бачаронак.
Бібліятэка зараз камп’ютарызавана. Дарэчы, адзін з камп’ютараў падараваны ўдзячным чытачом з Pacii С. А. Прашко, які родам з Асвейшчыны. Бываючы на радзіме, ён неаднаразова звяртаўся за краязнаўчымі матэрыяламі i застаўся вельмі задаволены абслугоўваннем, таму вырашыў аблегчыць працу бібліятэкараў.
Таццяна Аляксандраўна творча i прафесійна выконвае сваю работу: афармляе выставы, працуе з кніжным фондам, каталогамі i картатэкамі. Яна любіць сваю прафесію, людзей, якія прыходзяць у бібліятэку, стараецца парадаваць кожнага новай кнігай, запрашэннем на вечарыну або творчую сустрэчу. Чытачы з задавальненнем наведваюць бібліятэку не толькі каб узяць кнігy, a i пагаварыць аб асабістым, набалелым, абмеркаваць прачытанае. Таццяна Аляксандраўна — ветлівая, абаяльная, валодае шырокім кругаглядам. Яна адкажа на хвалюючыя пытанні, параіць, на якой кнізе спыніць свой выбар. Удзячныя людзі гавораць, што яна «надае сілы, бадзёрасць, здымае стомленасць».
Таццяна Аляксандраўна заўсёды ў пошуку i знаходках, энергічна і настойліва ўкараняе ў практыку работы новае, цікавае, прагрэсіўнае. Прафесійна i мудра вырашае шэраг пытанняў i праблем. Значную ўвагу ўдзяляе краязнаўчай рабоце: збірае ўспаміны старажылаў, вядзе летапіс г. п. Асвея, гіторыю бібліятэк.
Тут праходзяць шматлікія мерапрыемствы: літаратурныя вечары, сустрэчы са знакамітымі землякамі, агляды новых выданняў. Праводзяцца гутаркі, экскурсіі. Таццяна Аляксандраўна з’яўляецца арганізатарам i нязменным кіраўніком клуба «Літаратурная гасцёўня». Работа аб’яднання цесна звязана з вывучэннем гістарычнай i літаратурнай спадчыны Асвейскага краю. Удзельнікі клуба збіраліся на літаратурную гадзіну «Імя ў гісторыі роднага краю» (да 100-годдзя Г. Геродніка), вечар-сустрэчу з В. Рудой «Зямля, дзе пачаўся мой лёс», вечар-партрэт М. Семакова «Цябе я слаўлю, родны кут», гадзіну сустрэчы з мастацтвам «Нам ёсць кім ганарыцца», прысвечаную мастаку Я. Ясвіну і інш.
Таццяна Аляксандраўна неаднаразова станавілася пераможцам шматлікіх раённых конкурсаў прафесійнага майстэрства, узнагароджвалася Ганаровымі граматамі.
3 нагоды юбілею жадаем Таццяне Аляксандраўне вялікага асабістага шчасця i дабрабыту, творчых поспехаў i цікавых карысных знаходак на прафесійнай ніве. Мы ўпэўнены, што яе прафесіяналізм, багаты жыццёвы вопыт яшчэ доўга будуць служыць чытачам!
Н. СТОЛП, Т. ЗУЕВА, супрацоўнікі аддзела бібліятэчнага маркетынгу ЦРБ.