Першыя абітурыенцкія іспыты пачнуцца, як і летась, 13 чэрвеня. А вось парадак правядзення цэнтралізаванага тэсціравання будзе некалькі іншым.
Спачатку абітурыенты будуць здаваць беларускую і рускую мовы — 13 і 14 чэрвеня. Потым біялогію — 16, матэматыку — 17, грамадазнаўства — 19, хімію — 20, сусветную гісторыю — 21, фізіку — 23, гісторыю Беларусі — 24, замежную мову — 26 і геаграфію — 27 чэрвеня.
Рэзервовы дзень вызначаны на 4 ліпеня. Адметна, што тэсціраванне ў гэты дзень будзе праводзіцца толькі ў Белдзяржуніверсітэце.
Каб перакрыць доступ у ВНУ «двоечнікам», абмяркоўваецца ўсталяванне мінімальнага прапускнога бала. Міністр адукацыі ўжо назваў прыкладную велічыню — не ніжэй 7 балаў — якія трэба набраць па кожнаму прадмету, каб мець права падаваць дакументы ў ВНУ.
Адзначаецца змяншэнне колькасці абітурыентаў. Сёлета выпускнікоў у школах краіны будзе амаль на 10 тысяч (у нашым раёне на 38 чалавек) менш. Але, як сцвярджаюць спецыялісты, гэта не адаб’ецца на конкурсным адборы.
Людміла АРЛОВА.
