Будзе новая АТС

Пачаліся падрыхтоўчыя работы па замене ранейшай аўтаматычнай тэлефоннай станцыі каардынатнага тыпу ў в. Шайцерава на новую, па тэхналогіі NQN.

Гэта станцыя з ліку самых сучасных сістэм. Яна гарантуе дасканалую тэлефонную сувязь і значна пашырыць спектр паслуг электрасувязі. Акрамя Інтэрнета і інтэрактыўнага тэлебачання, якімі ўжо карыстаюцца абаненты Шайцерава і блізкіх да яго вёсак, з’явіцца магчымасць устанавіць CLIP — вызначальнік нумара, ад якога паступіў званок. Можна будзе рабіць пераадрасацыю нумара, карыстацца танальным (паскораным) наборам і г. д.
На працягу лістапада новая АТС будзе ўстаноўлена. Адпаведна прыйдзецца замяніць усе існуючыя нумары хатніх і вытворчых тэлефонаў. Па якой схеме — раённы вузел электроннай сувязі праінфармуе шайцераўскіх абанентаў пазней.
Л. ФЁДАРАВА.