Хрысціянскія традыцыі не толькі глыбокія па сэнсу, але і прыгожыя ў адлюстраванні веры. Асабліва ўражваюць шматлюдныя працэсіі, калі вернікі дэманструюць сваю прыхільнасць духоўным каштоўнасцям.
У Верхнядзвінскім касцёле Нараджэння Найсвяцейшай Багародзіцы такімі вялікімі ўрачыстасцямі, якія выйшлі за межы святыні, сёлета сталі свята Цела і Крыві Хрыста і сустрэча фігуры Маці Божай Фацімскай. Дзесяткі людзей удзельнічалі ў велічных і прыгожых працэсіях, да якіх далучаліся прахожыя з вуліц.
Публічнае вызнаванне веры – сведчанне яе адраджэння і ўмацавання на нашай зямлі.
