Нягледзячы на яшчэ зімовае надвор’е, у Верхнядзвінску ідзе падрыхтоўка да “Дажынак-2018”- будуюцца аб’екты, вядзецца рэканструкцыя памяшканняў, добраўпарадкоўваюцца тэрыторыі.
Падрыхтоўчыя работы знаходзяцца пад пільным кантролем абласной і раённай улады. У раёне пабывалі кіраўнікі вобласці, якія наведалі аб’екты “Дажынак”, ацанілі арганізацыю і якасць работ, абмеркавалі пытанні фінансавай дапамогі.
Галоўным аб’ектам “Дажынак” у Верхнядзвінску з’яўляецца фізкультурна-аздараўленчы комплекс з басейнам, будынак якога практычна ўзведзены, ажыццяўляюцца ўнутраныя работы. Новы выгляд набывае раённы Цэнтр культуры і народнай творчасці, на месцы былой гасцініцы будзе абсталявана паліклініка, вядуцца работы па дэмантажу старых будынкаў па вуліцы Савецкай, плануецца абсталяваць набярэжную Дзвіны і плошчу Юбілейную, пабудаваць і адрамантаваць жылыя дамы.
У ходзе агляду аб’ектаў выказаны заўвагі па вядзенні работ, а таксама новыя ідэі аб добраўпарадкаванні, якія будуць уключаны ў план мерапрыемстваў.
Усяго на правядзенне работ па падрыхтоўцы да “Дажынак” будзе выдаткавана каля 20 млн рублёў.
Может спорт поимеет совесть и отдаст отгороженный кусок РДК.Тогда такие большие коллективы как Ляльки,Ярыца или каратисты вылезут из своих закутков.