У Беларусі стартаваў інфармацыйна-асветніцкі праект для студэнцкай і вучнёўскай моладзі “Заліковая размова”, які складаецца з цыкла сустрэч вядомых палітолагаў, кіраўнікоў СМІ, прадстаўнікоў дэпутацкага корпуса і грамадскіх арганізацый з навучэнцамі і студэнтамі. Тэмамі размовы будуць эканамічная і палітычная сітуацыя ў Беларусі і свеце, умовы, якія стварае беларуская дзяржава для развіцця патэнцыялу моладзі. Адкрыты дыялог з моладдзю пройдзе ва ўсіх ВНУ і сярэдніх спецыяльных установах краіны.
