Напярэдадні Дня Канстытуцыі Рэспублікі Беларусь у малым зале райвыканкама адбылося ўрачыстае ўручэнне пашпартаў навучэнцам гарадскіх школ.
Самы важны дакумент разам з наказам быць сапраўднымі грамадзянамі сваёй краіны вучні атрымалі з рук ветэрана Вялікай Айчыннай вайны У. У. Дашчонка. Памятныя сувеніры героям урачыстасці ўручыла старшыня раённай арганізацыі “Белая Русь” І. І. Тойранен.
У мерапрыемстве таксама прынялі ўдзел (на здымку ў першым радзе) першы сакратар РК БРСМ А. І. Сяткоўская, старшыня раённага Савета дэпутатаў І. Ф. Козел, У. У. Дашчонак, галоўны спецыяліст аддзела адукацыі, спорту і турызму райвыканкама Н. А. Усовіч, намеснік начальніка аддзела ідэалагічнай работы, культуры і па справах моладзі райвыканкама Н. Г. Кісялевіч, старшы інспектар падраздзялення па грамадзянству і іміграцыі РАУС В. А. Ломач.
