Прэзідэнт Беларусі Аляксандр Лукашэнка 30 студзеня – 1 лютага з дзяржаўным візітам наведаў Зімбабвэ.
У сталіцы афрыканскай краіны напярэдадні візіту Прэзідэнта Беларусі адбыўся беларуска-зімбабвійскі бізнес-форум. З абодвух бакоў у ім прынялі ўдзел дзясяткі кіраўнікоў міністэрстваў і ведамстваў, прадпрыемстваў.
У беларуска-зімбабвійскіх адносін ужо ёсць свая працяглая гісторыя. Інвестыцыйныя і кааперацыйныя праекты з Зімбабвэ стануць асновай прадаўжэння супрацоўніцтва. Аб гэтым Прэзідэнт Беларусі Аляксандр Лукашэнка заявіў па выніках перагавораў з Прэзідэнтам Зімбабвэ Эмерсанам Мнангагвам.
Асабліва ён акцэнтаваў увагу на дамоўленасці па падрыхтоўцы спецыялістаў па ўсіх напрамках, якія цікавяць зімбабвійскі бок. Дамовіліся таксама аб рэалізацыі інвестыцыйных і кааперацыйных праектаў у розных сферах, што стане асновай для прадаўжэння супрацоўніцтва.
Аляксандр Лукашэнка акцэнтаваў увагу, што Зімбабвэ багата на карысныя выкапні, а таму спакойнага жыцця гэтай краіне ніхто не дасць. І ў гэтым у тым ліку прычына санкцый.
«Але вы павінны вытрымаць. І вы вытрымаеце, калі вы будзеце адзіныя, калі не дапусціце ўнутры краіны сутыкнення ўласнага народа з-за нейкіх палітычных амбіцый або ілюзорных абяцанняў Захаду і Амерыкі, – падкрэсліў беларускі лідар. – Нам чаго б гэта ні каштавала трэба прайсці гэты складаны перыяд у жыцці нашай планеты. Беражыце мір! Не здолееце гэта зрабіць – зноў трапіце пад каланіяльны прыгнёт».
Прамова Аляксандра Лукашэнкі неаднаразова суправаджалася апладысментамі.
На перагаворах з Прэзідэнтам Зімбабвэ Эмерсанам Мнангагвам былі ў тым ліку абмеркаваны перспектывы развіцця супрацоўніцтва з Мазамбікам і тое, як можна перанесці напрацаваны з зімбабвійскім бокам вопыт на гэту краіну.
«Афрыка даўно прачнулася. Без Афрыкі не можа быць перспектывы ў свеце наогул. Тут рэсурсы, тут людзі з кожным годам становяцца ўсё больш адукаванымі, сюды ідуць найноўшыя тэхналогіі. Без Афрыкі свет развівацца не можа», – упэўнены Прэзідэнт.
У прысутнасці кіраўнікоў дзяржаў падпісаны пагадненні аб заахвочванні і ўзаемнай абароне інвестыцый, аб стварэнні сумеснай пастаяннай камісіі па супрацоўніцтве.
Заключаны мемарандум аб узаемаразуменні паміж Рэспублікай Беларусь і Рэспублікай Зімбабвэ аб узаемным прызнанні дакументаў аб адукацыі.
Падпісана міжурадавае пагадненне аб прадухіленні двайнога падаткаабкладання і папярэджанні ўхілення ад выплаты падаткаў адносна падаткаў на даходы і маёмасць.
Яшчэ адно пагадненне – аб устанаўленні пабрацімскіх адносін паміж гарадамі Мінск і Харарэ.
Заключаны кантракты на пастаўку беларускай трактарнай і збожжаўборачнай тэхнікі, а таксама на пастаўку абсталявання беларускай вытворчасці для будаўніцтва і мадэрнізацыі комплексаў захоўвання збожжа.
Падпісаны мемарандум аб узаемаразуменні аб супрацоўніцтве ў рамках паставак у Рэспубліку Зімбабвэ машын і абсталявання беларускай вытворчасці для лясной прамысловасці.
Па інфармацыі БелТА.
