5 мая ў Беларусі адзначаецца Дзень друку – свята ўсіх, хто нясе ў народ важкае друкаванае слова.
Нягледзячы на наступ інтэрнэта друкаваныя выданні захоўваюць сваіх прыхільнікаў – людзей адукаваных, з аналітычным мысленнем і шырокім светапоглядам. Менавіта газеты і часопісы прапаноўваюць чытачам аб’ектыўную, узважаную, правераную інфармацыю, якая ўзбагачае асобу і дае карысные звесткі, а не выпадковыя і часта недаставерныя чуткі сеткавых крыніц. Друкаваныя выданні – гэта прафесіянальна падрыхтаваны прадукт, які карыстаецца аўтарытэтам і попытам ва ўсім свеце.
Віншуем усіх, хто працуе з друкаваным словам, нашых партнёраў, якія друкуюць газету і распаўсюджваюць яе сярод падпісчыкаў, а таксама няштатных аўтараў, якія сябруюць з раёнкай і дасылаюць свае артыкулы.
Моцнага здароўя, творчага пошуку і новых здабыткаў у рэалізацыі аўтарскіх праектаў.
Калектыў рэдакцыі газеты «Дзвінская праўда».
