Знаёміцца з любой краінай можна не толькі праз маляўнічыя краявіды, культурную і гістарычную спадчыну, але яшчэ і каштуючы стравы нацыянальнай кухні.
Любімай ежай беларусаў спрадвек лічыцца бульба. Але гаспадыні народнага калектыву нацыянальнай кухні, фальклору і гульні «Расіца» Бігосаўскага СДК з гэтым, напэўна, не пагодзяцца. Кожная з лёгкасцю назаве з дзесятак і больш іншых папулярных і невядомых беларускіх страў. І гэтак жа лёгка іх прыгатуе!
Створаны ў 1997 годзе клуб «Расіца» і сёння актыўна займаецца адраджэннем, зберажэннем і распаўсюджваннем народных традыцый і мастацкага фальклору, прапагандай беларускай нацыянальнай кухні і традыцыйных мясцовых страў. А кіраўнік калектыву Марына Кіч рэалізуе ў жыццё шматлікія задумкі дзеля таго, каб кухня была разнастайнай, а мерапрыемствы – цікавымі.
(Падрабязней чытайце на старонках «ДП»).
