Верхнядзвінскае, Лявонішанскае, Боркавіцкае, Сар’янскае і Бігосаўскае лясніцтвы вядуць нарыхтоўку бярозавага соку.
Чаму не ўсе? У пералічаных вышэй больш дрэў, прыдатных для даравання людзям гаючай вільгаці. Заданне лясгасу на сезон, як паведаміла інжынер па якасці Л. М. Князюк, — 100 тон бярозавага соку. Верхнядзвінскае лясніцтва з ім ужо справілася. Для збору соку лясгас арэндаваў малакавоз. А жадаючыя паспытаць на смак глыток-другі веснавога нектару або закансерваваць сок, могуць звярнуцца ў любое лясніцтва.
